Байден: Путин кимёвий қурол ишлатса, жавоб қайтарамиз
-
Байден: Путин кимёвий қурол ишлатса, жавоб қайтарамиз
АҚШ президенти Жо Байден, агар Россия президенти Владимир Путин Украинада оммавий қирғин қилувчи кимёвий қуроларни ишлатса, Қўшма Штатлар жавоб қайтаришини айтди.
ИРНА хабарига кўра, Брюсселда бўлган Байден маҳаллий вақт билан пайшанба оқшомида бўлиб ўтган матбуот анжуманида Ассоcиатед Пресс мухбирининг Қўшма Штатлар Россия кимёвий қурол қўллаши мумкинлиги ҳақида ишончли далилларга эгами, деган саволига жавоб берар экан, шундай деди: Мен разведка маълумотларининг тафсилотларини ошкор қила олмайман, лекин агар у (Путин) бу қуроллардан фойдаланса, биз бунга жавоб қайтарамиз, бу жавобнинг шакли ушбу қуроллардан фойдаланиш хусусиятига боғлиқ.
Хитойнинг Россияга кўрсатиши мумкин бўлган ёрдамига келсак, АҚШ президенти Пекин Украина урушида Россияга кўрсатилиши мумкин бўлган бу ёрдамнинг оғир иқтисодий оқибатларидан хабардор эканини айтди.
Байден ўтган ҳафта Хитой раҳбари Си Тсзинпин билан “жуда самимий суҳбат” ўтказганини айтди.
Байден Г20 давлатларига Россияни бу гуруҳдан чиқариб ташлаш чақириғи билан чиқди
Унинг айтишича, у Г20 Россияни чиқариб юбориши керак, деб ҳисоблайди ва бу масала Брюсселда мамлакатлар раҳбарлари билан учрашувлар чоғида кўтарилган.
“Санкциялар ҳеч қачон тўхтатувчи омил эмас, лекин уларни сақлаб қолиш Владимир Путинни тўхтатади”, деди Байден.
