Захарова: Бирлашган Миллатлар Ташкилоти Украинага таркибида заифлаштирилган уран бўлган ўқ-дориларни юборишни қоралаши керак
-
Захарова: Бирлашган Миллатлар Ташкилоти Украинага таркибида заифлаштирилган уран бўлган ўқ-дориларни юборишни қоралаши керак
Россия Ташқи ишлар вазирлиги матбуот котиби Мария Захарова пайшанба куни Бирлашган Миллатлар Ташкилотини Британиянинг Украинага заифлаштирилган уран ўқ-дориларини етказиб бериш режасини қоралашга чақирди.
Буюк Британия мудофаа вазири Аннабел Голди аввалроқ (март ойида) Лондон Украинага жўнатмоқчи бўлган Чалленгер 2 танк ўқ-дориларининг бир қисмида заифлаштирилган уран борлигини маълум қилган эди, бу эса Москванинг муносабатига учради. Россия ушбу турдаги қуролларнинг ён таъсири ва радиация ҳақида огоҳлантирди.
Мария Захарова шундай деди:Тахминларга кўра, БМТ котибияти ушбу ўқ-дорилар радиологик хавф нуқтаи назаридан жиддий оқибатларга олиб келиши мумкинлигига қарамасдан, Ғарбнинг Киев ҳукуматини қўллаб-қувватлаш бўйича ҳар қандай ҳаракатларига кўзини юмишга доим тайёр.
Россия Ташқи ишлар вазирлиги матбуот котиби қўшимча қилди: Бундай ўқ-дорилар Қўшма Штатлар томо
нидан Югославия ва Ироқда қўлланилган ва улардан фойдаланиш жиддий асоратларга, жумладан, саратонга олиб келиши мумкин.
Захарова яна шундай деди:Европарламент бир неча бор заифлаштирилган уранни ўз ичига олган қуроллардан фойдаланишни тақиқловчи резолюцияларни қабул қилган. Аммо " коллектив Ғарб" бу масалани унутишга ҳаракат қилади.
Аввалроқ, Бирлашган Миллатлар Ташкилоти матбуот котиби ўринбосари Фарҳан Ҳақ ҳам Англия томонидан Украинага заифлаштирилган уран бўлган ўқ-дорилар юборилиши ҳақида маълум қилганди:Бирлашган Миллатлар Ташкилоти ҳар қандай давлатнинг урандан фойдаланишидан хавотирда.
