Лукашенко: Мен Путинга Пригожинни ўлдиришига рухсат бермадим
-
Лукашенко: Мен Путинга Пригожинни ўлдиришига рухсат бермадим
Беларус президенти сўнгги баёнотида Путинга “Вагнер” ҳарбий гуруҳи раҳбарини йўқ қилишга рухсат бермаганини айтди.
Россия президенти Владимир Путин дастлаб исёнчиларни жазолашга ваъда берди ва Вагнер қўзғолонини 1917 йил инқилобидаги тартибсизлик ва анархия, кейин эса Совуқ уруш билан солиштирди. Аммо Лукашенко воситачилигидан сўнг у Вагнер ҳарбий гуруҳи раҳбари Пригожин ва унинг қўшинларига Россиядан Беларусга чиқиб кетишга рухсат берди.
Реутерс ахборот агентлигининг хабар беришича, Беларус президенти Александр Лукашенко сешанба куни армия расмийлари ва журналистлар билан учрашувда шундай деди:Путин исёнчиларни йўқ қилиш учун шафқатсиз қарор қабул қилганини тушунаман.
Лукашенко қўшимча қилди:Мен Путинга Пригожин ва унинг қўмондонлари билан гаплашгунимизга қадар шошилмасликни таклиф қилдим. У жавоб берди: “Бефойда, телефонга ҳам жавоб бермайди. У ҳеч ким билан гаплашишни истамайди”.
Шунингдек, у Беларус армияси Кремл билан келишув асосида бу мамлакатга бориши мумкин бўлган Вагнер гуруҳи тажрибасидан фойдаланиши мумкинлигини айтди.
Кремл Беларус президентининг баёнотларига ҳозирча изоҳ бермади. Пригожин билан кўп йиллик таниши бўлган ва Путиннинг иттифоқчиси бўлган Лукашенко Россия президентига ўйлаб кўришни маслаҳат берган ва Пригожинни четлатиш унинг кучлари томонидан оммавий исёнга олиб келиши мумкинлигини айтган.
