Шимолий Корея Вашингтоннинг ушбу мамлакатда ҳибсга олинган америкалик аскар ҳақидаги чақириқларини эьтиборсиз қолдирди
-
Шимолий Корея Вашингтоннинг ушбу мамлакатда ҳибсга олинган америкалик аскар ҳақидаги чақириқларини эьтиборсиз қолдирди
Ҳозирча Пхенян Вашингтоннинг ҳибсга олинган америкалик аскар бўйича маслаҳатлашув чақирувларига жавоб бермади.
Аввалроқ Жанубий Кореяга жазони ўташ учун кетган 23 ёшли америкалик аскар Тревис Кинг АҚШ армияси томонидан ушбу мамлакатдаги бўлинмасига қайтариш учун аеропортга олиб кетилган. Айтилишича, бу америкалик аскар ўз мамлакатида ҳам интизомий жазога тортилиши керак эди. Аммо Кинг сешанба куни чегарадаги Панмунжом қишлоғига фуқаролик сафари чоғида шимолий қўшнига чегарани кесиб ўтган ва у ерда Пхенян хавфсизлик кучлари томонидан ҳибсга олинган. Америка расмийларининг айтишича, бу аскар аслида Шимолий Кореяга қочиб кетган.
Эрон Телерадиокомпаниясининг Ўзбек сайтининг хабар беришича, АҚШ Давлат департаменти матбуот котиби Метю Миллер Пентагон Шимолий Корея армияси раҳбарлари билан боғланган, бироқ Пхенян бу чақириқларга ҳозирча жавоб бермаган. Миллер қўшимча қилди:Оқ уй, Пентагон ва АҚШ Давлат департаменти Тревис Кингнинг вазияти ва қаерда эканлиги ҳақида маълумот олиш учун биргаликда ишламоқда.
Пхенян ва Вашингтон ўртасидаги кескинлик кучайиб бораётгани сабабли бу аскарни тезда озод қилиш истиқболи йўқ. У сўнгги беш йил ичида Шимолий Корея томонидан ҳибсга олинган биринчи америкаликдир.
