Доналд Трамп ва Владимир Путиннинг Аляскадаги баҳсли учрашуви қандай якун топди?
https://parstoday.ir/uz/news/world-i97458
АҚШ президенти Доналд Трамп ва Россия етакчиси Владимир Путиннинг Украинадаги уруш бўйича учрашуви ҳақидаги кўп кутиш ва тахминлардан сўнг учрашув, 15-август , жума куни Аляскада бўлиб ўтди.
(last modified 2025-08-17T11:12:53+00:00 )
август 16, 2025 15:54 Asia/Tashkent
  • Доналд Трамп ва Владимир Путиннинг Аляскадаги баҳсли учрашуви қандай якун топди?
    Доналд Трамп ва Владимир Путиннинг Аляскадаги баҳсли учрашуви қандай якун топди?

АҚШ президенти Доналд Трамп ва Россия етакчиси Владимир Путиннинг Украинадаги уруш бўйича учрашуви ҳақидаги кўп кутиш ва тахминлардан сўнг учрашув, 15-август , жума куни Аляскада бўлиб ўтди.

Афтидан ,президентлиги бошидан бери Украинадаги урушни бир кунда тугатмаган, деб тинмай таъкидлаган, аммо бу борада катта муваффақиятсизликка учраган Доналд Трамп учун Аляскада Путин билан учрашув, бурилиш нуқтаси ва ваъдасини амалга ошириш йўли бўлди.

Бошқа томондан, бу учрашув Путин учун кўплаб ютуқларни олиб келди. Биринчидан  у Халқаро жиноий суд томонидан унга нисбатан халқаро ҳибсга олиш ордери чиқарилганига қарамай, модадан сўнг АҚШга йўл олди ва бу Вашингтон томонидан унинг мавқеи ва нуфузини амалда тан олгани ҳисобланади. Аммо бундан ҳам муҳимроғи, далиллар Трампнинг Украинадаги урушда ўт очишни тўхтатиш режимини ўрнатиш ва Украина ҳудудларининг бир қисмини, хусусан, Луганск ва Донбасс минтақасини Россияга бериш орқали Россия ва Украина ўртасида тинчлик ўрнатишга кўмаклашиш ниятида эканлигини кўрсатади. Бу албатта тўрт йиллик урушдан кейин Киев учун оғир зарбадир.

Трамп ва Путин учрашувининг Украина урушига таъсирини қуйидагича умумлаштириш мумкин:

1. АҚШ томонидан ўт очишни тўхатиш учун босим кучайиши: шу муносабат билан Трамп урушни зудлик билан тўхтатишга чақирди ва Зеленский билан 3 томонлама учрашув ўтказишни таклиф қилди. Бу позиция Россия ва Украинага музокарага киритиш учун халқаро босимни кучайтириши мумкин.

2. АҚШ порзициясининг ўзгариши: эҳтимол, АҚШнинг Украинага нисбатан сиёсати кенг кўламли ҳарбий ёрдамдан музокаралар ва келишувларга эътибор қаратишга ўтади ва бу ўзгариш жанг майдонидаги кучлар мувозанатига таъсир қилиши мумкин.

3. Ҳудудий келишувга уринишлар: учрашувда Украинанинг Россия назорати остидаги ҳудудлари муҳокама қилингани, бироқ келишувга эришилмагани айтилади. Бундай музокаралар Украина ҳудудининг бир қисмини Россияга бериш тўғрисидаги келишувга йўл олиши мумкин, бу эса, албатта, Европа ва Украинанинг кескин муносабатига сабаб бўлади.

4. Европа билан кескинликнинг кучайиши: Германия аа Франция каби Европа давлатлари чегараларини ўзгартиришга олиб келадиган ҳар қандай келишувга қарши. Агар АҚШ Россия билан келишувга интилса, Россияга қарши Ғарб иттифоқига ёриқлар пайдо бўлиши мумкин.