АҚШ қонун чиқарувчиси: Американинг Гренландияга ҳужуми НАТО билан уруш демакдир
-
АҚШ қонун чиқарувчиси: Американинг Гренландияга ҳужуми НАТО билан уруш демакдир
Бир америкалик қонун чиқарувчи АҚШнинг Гренландияга тажовузини «НАТО билан уруш» деб атади.
Pars Today’га кўра, АҚШ Ваколатлар палатасининг республикачи аъзоси Майкл Маккол огоҳлантиришича, Америка Қўшма Штатларининг Гренландияга тажовузи Шимолий Атлантика шартномаси ташкилоти (НАТО) билан «уруш» маъносини англатади. Майкл Маккол ABC телеканалига берган интервьюсида айтишича, агар АҚШ президенти Доналд Трамп Гренландияга ҳарбий ҳужум қилса, бу НАТОнинг 5-моддасини тубдан ўзгартириб юборади ва аслида НАТОнинг ўзи билан урушни бошлайди. Унинг таъкидлашича, бу ҳаракат охир-оқибатда биз билган шаклдаги НАТОнинг парчаланишига олиб келади.
Шимолий Атлантика шартномаси ташкилоти (НАТО)нинг 5-моддасига кўра, НАТО аъзоларидан бирига қилинган қуролли ҳужум барча аъзоларга қилинган ҳужум деб ҳисобланади ва шартномага мувофиқ ҳар бир аъзо ҳужумга учраган давлатга ёрдам кўрсатиши шарт.
The Economist: Трампнинг Гренландияга бўлган иштаҳасининг баҳоси 75 йиллик иттифоқнинг йўқ бўлиши бўлади.
Шу билан бирга, Британиянинг «The Economist» журнали хабар беришича, Трамп президентлиги даврида АҚШнинг Гренландияни ўз назоратига олишга қаратилган уринишлари НАТО тарихидаги энг жиддий ички инқирозлардан бирини келтириб чиқарган ва бу иттифоқнинг ўзаро ишонч, жамоавий мудофаа ва умумий стратегик мақсад асосларини парчаланиш хавфи остида қолдирган. Economist ёзишича, хавф остида фақат Арктикадаги бир оролнинг келажаги эмас, балки бутун трансатлантик хавфсизлик тартибининг яхлитлигидир.
«The Economist» НАТО учун бу инқироз оқибатлари жуда чуқур эканини таъкидлаб, агар АҚШ Гренландияни ўзига қўшиб олса, европаликларнинг НАТОнинг 5-моддасига, яъни жамоавий мудофаа бандига бўлган ишончи емирилажагини ёзди.
Нашр хулоса қилиб айтдики, Американинг Гренландияга бўлган очкўзлиги бир оролдан анча катта бадал талаб қилиши мумкин ва охир-оқибат 75 йил давомида шаклланган, бутун бир қитъани қамраб олган иттифоқнинг йўқолишига олиб келиши эҳтимол.
