Америкалик сенатор: Америка халқи Эрон билан урушга қарши

Бир америкалик сенатор шундай баёнот бердики, ушбу мамлакат халқи Эрон билан урушга қарши ва Вашингтоннинг Ғарбий Осиё минтақасида янги можарога киришини истамайди

Pars Today хабарига кўра, Нью-Джерси штати сенатори "Энди Ким" АҚШ президенти "Дональд Трамп"нинг Эронга қарши сўнгги таҳдидларига муносабат билдириб, X ижтимоий тармоғида шундай ёзди: "Америка жамоатчилиги ҳарбий вариантни қўллаб-қувватламайди. Ўтган ҳафта Нью-Джерси аҳолисидан Эронга ҳужум қилишимизни хоҳлайсизми, деб сўрадим? Ҳеч ким ижобий жавоб бермади."

Сўнгги кунларда Трампнинг ядро келишувига эришилмаса, ҳарбий ҳаракат эҳтимоли ҳақидаги таҳдидкор баёнотларидан сўнг Эрон билан уруш мавзуси АҚШ сиёсий доираларидаги асосий муҳокама мавзуларидан бирига айланди. Ким New York Times газетасининг ушбу таҳдидлар ҳақидаги ҳисоботини қайта нашр этар экан, шундай таъкидлади: "Америка халқи Эрон билан уруш бошлашни истамаяпти."

Америкалик сенатор аввалроқ CNN телеканалининг АҚШнинг ҳарбий ҳаракатга тайёргарлиги ҳақидаги ҳисоботига муносабат билдириб, Трамп маъмуриятининг ёндашувини танқид қилган ва шундай деган эди: "Эрон билан уруш сизга нима олиб келади? Бу сизни хавфсизроқ қиладими? Бу сизнинг тўловларингизни тўлашни осонлаштирадами? Трамп мамлакатимизни ҳеч қандай сабабсиз, режасиз ва сизни эътиборга олмасдан уруш остонасига олиб келмоқда."

Америка расмийларининг жанговар баёнотлари Эрон Ислом Республикаси расмийлари тинч ядро энергиясидан фойдаланиш бўйича Эроннинг қонуний ҳуқуқларини таъкидлар экан, Эронга қарши ҳар қандай ҳарбий ҳаракат қатъий ва шиддатли жавобга учрашини билдириб келаётган бир пайтда содир бўлмоқда. Теҳрон, шунингдек, ўзаро ҳурматга асосланган дипломатия ва музокараларни таъкидлаб, босим ва таҳдид сиёсатини самарасиз деб ҳисоблайди.

*АҚШ жамоатчилик фикри Эрон билан урушга қарши; Оқ уй халқ қўлловидан маҳрум