Бугун сешанба Ҳижрий -шамсий 1395 йил дай ойининг 7- чиси Ҳижрий қамарий 1438 йил рабиул-аввал ойининг 27-чиси Ва милодий ҳисоб билан 2016 йил декабр ойининг 27-чи кунидир.

Бундан 194 йил муқаддам, 1822 йилнинг 27 декабр куни франсуз химик ва шифокори Луи Пастер дунёга келди.  У бошланғич таълимдан сӯнг ӯқитувчилик иши билан шуғулланди. 27 ёшида химия фанлари доктори илмий даражасини эгаллагач, Страсбург университетининг химия фани ӯқитувчиси бӯлди.

Луи Пастер пилла қуртининг касалликлари ва қутуриш касаллиги ҳақида янги назарияларни илгари суриб, улуғ кашфиётларни амалга оширди. Унинг юқумли касалликлар ва микробларга қарши кураш назариялари бундай хасталикларни даволаш услубини ӯзгартириб юборди.

Луи Пастернинг заҳматларини эътиборга олган Франсия ҳукумати 1888 йили медитсина илмий текшириш институтини Пастер институти деб номлади. Бу салоҳиятли илмий текшириш институтининг бугунги кунда жаҳоннинг бир қанча мамлакатларида филиаллари бор. Буюк олим 1895 йили вафот этди.

Ххххххххххххххххх

1945 йилнинг 27 декабр куни, яъни бундан 71 йил бурун Халқаро валюта жамғармаси таъсис этилди. Халқаро тижоратни мувофиқлаштириш ва янги иш жойлари яратиш бу жамғарманинг мақсадларидан эди. Бу жамғармада овоз бериш ҳуқуқи қӯшилган улушга боғлиқ. Шу сабабли Ғарб мамлакатлари, айниқса Америка  унда катта нуфузга эга.

Халқаро валюта жамғармасининг асосий вазифаси аъзо мамлакатларга қарз беришдир. Аммо берилган қарзлардан кӯзланган фойданинг кӯплиги сабабли қарз олган мамлакатлар норозилик билдирмоқда.

Хххххххххххххххххххххх

Бундан 37 йил олдин ҳижрий-шамсий 1358 йил дай ойининг 7-куни Исломий Инқилобнинг буюк раҳбари Имом Хумайний ҳазратлари саводсизликни тугатиш ҳақида умумий сафарбарлик фармонини  имзоладилар. Фармонда бутун Эрон халқига бу инсонпарварлик ва ватанпарварлик ташаббусини қӯллаб-қувватлаб, саводсиз кишиларга савод ӯргатиш каби хайрли ишда қатнашиш тавсия қилинган.

Имом ҳазратларининг бу фармонини амалда жорий қилиш мақсадида Эронда "Саводхонлик ҳаракати" шаклланди ва бугунги кунда бу хайрли ҳаракатнинг мевалари кӯзга ташланмоқда. Эндиликда  ЮНЕСКО маълумотларига кӯра Эрон ислом жумҳурияти қисқа вақт ичида саводсизлик авж олган мамлакатлар сафидан чиқиб, халқининг саводлилик даражаси юқори бӯлган мамлакатлар руйхатидан ӯрин олган.