Бугун шанба, ҳижрий-шамсий 1396 йил шаҳривар ойининг 4-си, ҳижрий-қамарий 1438 йил зилҳижжа ойининг 4-си ва милодий ҳисоб билан 2017 йил 26- август.

Ассалому алайкум, қадрли тингловчилар!

"Тарихнинг ўчмас кунлари" унвонли кундалик эшиттиришнинг янги сони билан камина Кўҳёр Аршадниё хизматингиздаман.

Бугун  шанба, ҳижрий-шамсий 1396 йил  шаҳривар    ойининг 4-си, ҳижрий-қамарий 1438 йил  зилҳижжа  ойининг 4-си ва милодий ҳисоб билан 2017  йил  26- август.

Бундан 228 йил олдин, милодий 1789 йилнинг 26 август ойида Франция  Инқилобининг  ғалабаси ортидан  мазкур мамлакат парламенти Инсон ҳуқуқлари декларациясини тасдиқлайди. Жан Жак  Руссога ўхшаган Уйғониш даври мутафаккирлари  ақидаларининг  таъсири остида тайёрланган ушбу декларацияда  инсоннинг эркинликка бўлган ҳуқуқи  таъкидланган. Албатта, ушбу декларациянинг бандлари Франция ва Европанинг бошқа мамлакатлрида кўрмасликка олинади. Ғарб давлатлари бошқалардан кўра кўпроқ бошқа халқлар ҳуқуқларини поймол этишган бўлсаларда,   ўзларини инсон ҳақларининг ҳимоячилари этиб кўрсатишади ҳамда инсон ҳуқуқларидан ўзларига  мухолиф бўлган бошқа мамлакатларга қарши бир восита сифатида фойдаланишади.

Бугунги кундан 121 йил олдин, яъни милодий 1896 йилда Усмонийлар империясининг кучлари арманларни қатлиом қилишни бошлашади. Ушбу жиноятларни содир этиш учун усмоний турклар  арманларни  усмонийларга қарши урушаётган юнонликларга ёрдам беришганларини баҳона қилишади. Беш кун давом этган ушбу қатлиомлар жараёнида арманларнинг ўн минглаб болалари, аёллари ва эркаклари ўлдирилади.

 Бундан 29 йил муқаддам,  ҳижрий-шамсий 1367 йилнинг  4 шаҳривар ойида БМТ Хавфсизлик  Кенгаши  Ироққа қарши кимёвий қурол ишлатгани боис резолюция чиқаради. Эрондаги аҳоли яшайдиган минтақалар ва ҳарбий бўлмаган кишиларга Ироқ режими кимёвий бомбалар ишлатгани ва бу борада Эрон томонидан шикоят қилингани  ортидан БМТ мазкур минтақаларга ўз экспертларини жўнатади ва ушбу жиноятлар улар томонидан  тасдиқланади.

БМТ Хавфсизлик Кенгаши  ушбу экспертлар ҳисоботлари асосида милодий 1988 йил 26 август куни 620-резолюциясини чиқаради. Қабул этилган ушбу резолюцияда Хавфсизлик Кенгаши ядровий ва кимёвий қуроллардан фойдаланмаслик, ишлаб чиқармаслик ва  анборларда сақламаслик  бобида биринчи бор  ушбу заминада етарлича ишлар бўлмаганини  ва бундан кейин ушбу муаммоларга қарши жиддий ёндашиш зурурлигини  таъкидлайди.

Эронга қарши Ироқнинг саккизйиллик  уруши давомида Саддом режими томонидан ишлатилган кимёвий қурол ва заҳарли газлар  натижасида  юз минглаб нафар эронлик ҳарбийлар ва оддий фуқаролар шаҳид ва мажруҳ бўлишади.

Берилган маълумотларга кўра, Иккинчи Жаҳон уруши давридан кейин Эрон фуқаролари  кимёвий қуролларга энг кўп  қурбон бўлган  мамлакат ҳисобланади.

 Азизлар, “Тарихнинг ўчмас кунлари” унвонли ҳафталик эшиттиришнинг янги сони шу ерда ўз ниҳоясига етди. Мен эса сизлар билан хайрлашаман. Саломат бўлинг.