Бугун шанба, ҳижрий-шамсий 1397 йил хурдод ойининг 5-си, ҳижрий-қамарий 1439 йил муборак Рамазон ойининг 10-си ва милодий ҳисоб билан 2018 йил 26- май.

Ассалому алайкум, қадрли тингловчилар!

"Тарихнинг ўчмас кунлари" унвонли кундалик эшиттиришнинг янги сони билан мен  Кўҳёр Аршадниё хизматингиздаман.

Бугун  шанба, ҳижрий-шамсий 1397 йил  хурдод    ойининг 5-си, ҳижрий-қамарий 1439 йил  муборак Рамазон      ойининг 10-си ва милодий ҳисоб билан 2018  йил 26- май.

Азизлар, бугунги сана пайғамбаримизнинг умр йўлдошлари ҳазрати Хадича (с) нинг вафот этган куни билан тўғри келади. Ушбу қайғули  сана муносабати билан барчангизга ҳамдардлик изҳор этамиз.

Бундан 1442 йил  муқаддам , яъни ҳижратдан  олдинги учинчи йилнинг  10- Рамазон ойида Ислом Пайғамбари (с)нинг умр йўлдошлари  ҳазрати Хадича (с) Макка шаҳрида вафот этган.

Худо расули (с) пайғамбарликдан 15 олдин Қурайшнинг бой ва номдор аёлларидан бўлган  ҳазрати Хадича билан турмуш қурган эдилар.

Хадича онамиз Расулуллоҳ(c)нинг биринчи ва энг суюкли завжалари эди. Хадича ўз замонасининг энг ақлли ва фозила аёлларидан бўлган. Ҳазрат Хадича(с) доимо қариндошларидан ўз ёрдамини аямас, камбағал, муҳтож-фақирларга қўлидан келганича моддий ва маънавий кўмак берарди.

Ҳазрати Хадича ҳижратдан уч йил олдин 65 ёшларида Беъсатнинг 10 йилида Рамазон ойининг ўнинчи кунида бу фоний оламни тарк этдилар. Расулуллоҳ(с) ўз қўллари билан Хадичани қабрга қўйдилар ва ҳақларига дуо қилдилар. Ҳазрати Хадича ва Абу Толибнинг вафотлари бир йилда рўй берди. Бутун Қурайш қавми ҳазрат Хадичага ва Абу Толибга аза очди. Бу йўқотишлар Пайғамбаримизга оғир келди. Юзлари қайғуга ботди. Ўша йил «Омул-ҳузн», яъни «Маҳзунлик йили» сифатида Ислом тарихига ҳам умрбод муҳрланди.

Бугунги кундан 37 йил олдин,  милодий 1981 йилнинг 26 май ойида Форс кўрфази ҳамкорлик Кенгаши  расман ташкил этилади. Ушбу кенгашга Форс кўрфази жанубида жойлашган олти мамлакат, яъни Арабистон, Қувайт, Бирлашган Араб Амирликлари, Баҳрайн, Қатар ва Уммон аъзо бўлишади.

Форс кўрфази ҳамкорлик Кенгашини  ташкил  қилишдан мақсад унга аъзо мамлакатларнинг  иқтисодий, ҳарбий ва сиёсий ҳамкорликларини  ва хорижий таҳдидлар қаршисида  уларнинг мудофаа  қудратларини ошириш эди. Бироқ  Форс кўрфази ҳамкорлик Кенгашига аъзо мамлакатларнинг бегона кучларга таянишлари ва Форс кўрфази ҳошиясида жойлашган бошқа малакатлар  ушбу кенгаш билан  самарали ҳамкорлик қилмаганлари  натижасида бу кенгаш Форс кўрфази ҳошиясидаги мамлакатларнинг умумий манфаати учун бўлган пойдор  хавфсизликни ярата олмади. Бунга қўшимча, Форс кўрфази ҳамкорлик Кенгашига аъзо мамлакатлар ҳалигача ҳарбий, иқтисодий ва сиёсий ҳамкорликлар бўйича  кўзга кўринган  мувафаққиятларни қўлга кирита олишмаган.  Форс кўрфази ҳамкорлик Кенгашига аъзо давлатлар  раҳбарларининг йиғилиши бир йилда икки маротаба ташкил этилади.

Форс кўрфази ҳамкорлик Кенгашининг Ташқи ишлар вазирлари ҳам  йил давомида  барпо этиладиган йиғилишларда иштирок этишади.

Бундан 110 йил муқаддам, ҳижрий- шамсий 1287 йилнинг 5-хурдод ойида Эроннинг биринчи нефт кони мамлакатнинг жануби-ғарбидаги  Масжиди Сулаймон шаҳрида фойдаланишга топширилади. Ушбу коннинг чуқурлиги 600 метр эди ва ундан отилиб  чиққан нефтнинг баландлиги  ер сатҳидан  25 метргача етарди.  Масжиди Сулаймон шаҳри ер ости манбалари  ва нефт  корхоналарига эга бўлгани боис  катта аҳамият касб этарди. Ҳозирги кунда ҳам мазкур  шаҳарда 250 та нефт  конлари  қазилган. Шуни таъкидлаш жоизким, Эрон нефт захиралари  бўйича дунёнинг муҳим мамлакатларидан бири  саналади.  Эрон, шунингдек ,Россиядан кейин газ захиралари бўйича  дунёда  иккинчи ўринда туради.  

Азизлар, “Тарихнинг ўчмас кунлари” унвонли ҳафталик эшиттиришнинг янги сони шу ерда ўз ниҳоясига етди. Мен эса сизлар билан хайрлашаман. Саломат бўлинг.