Pars Today

“ИнтересноЗнать ” сайти айрим мамлакатларнинг ёш келин-куёвларини кўришни тавсия этади.

Шотландия

Одатда, 90 фоиз шотланд куёвлари  одатга  кўра,  тўйларида анъанавий тарзда  ўз уруғ жамоасининг “килт” деб аталган либосини кийишади. Либосга қўшимча қилиб, оёқларгаузун голфи,ўнг оёқ мустаҳкам  бўлиши тимсоли сифатида  Скинду ханжари ҳамда чарм спорран сумкачасини ўнг томонга осиб қўйишади. Куёв қасам ичганидан кейин  келиннинг елкаларига уруғ жамоасининг гулли нақшдор рўмолини ташаб,  уни кумуш тўғнағич билан тақиб қўяди. Шу тариқа,  эркаклар  рамзий урф-одатларни бажариб, ўз уруғига янги аъзони қабул қилишади.

Хитой

Хитойда одатда, анъанавий тўй   қизил рангларда  жилоланади. Бу ранг бахт рамзини билдиради. Келин ўз уйидан чиқаётганда қизил соябон билан юзини беркитади, яъни бу рамзий маънода ёвуз руҳлардан ҳимоя қилиш дегани. Келиннинг оёқлари остига қип-қизил  гилам тўшалади. Уни дарҳол куёвнинг ота-онаси олдига анъанавий алое гули бурканган тўй аравачасида олиб боришади.  Замонавий келин-куёвлар эса урф-одатларни бажариб бўлгандан сўнг одатдаги  либосларни: келин оқ кўйлакни, куёв эса тўқ рангли костюмини  кияди.

Япония

Японлар  рамзий маънода “шохли” аёлга уйланишади. Бунинг маъноси, тўй либосининг анъанавий элементларидан бўлган махсус косинка “цунокакуси”ни келинлар шохларини беркитиш учун кийишади. Гўёки, шохли аёллар  японларда  рашкчи тамсолида намоён бўлади. Рашк қилиш японларда жуда уят ҳисобланади.  Шунинг учун, келинларга  рамзий маънода  “цинукакуси”ни кийдириб, шохли, яъни рашкчи бўлмасликларини огоҳлантиришади.

Ҳиндистон

Ҳиндистоннинг  тоғли ҳудудларидан бири бўлган Мегхалая штатида яшовчи Гаро халқининг ажойиб урф одатлари бор. Одатда, оилада туғилган кенжа қиз (нокна) отасининг синглисига келин бўлади, яъни ўз аммасининг ўғлига турмушга чиқади. “Нокна”нинг турмуш ўртоғи “нокра” дейилади.  Тўйдан сўнг, куёв келиннинг уйига кўчиб келади. Агар келин “нокна”нинг отаси вафот этган тақдирда, куёв “нокра” ўз қайнонасига уйланади. “Нокна”нинг синглиси ўзи хоҳлаган бошқа авлоддан куёв танлаши мумкин.

Боливия

 Мамлакатда ҳар йили оммавий тўйлар ўтказилади. Тўй маросимининг юзи яъни,  бошқарувчиси сифатида  вакил ота тайинланади. Мамлакатда ҳар сафар  бу ролга ҳурматга сазовар кишилар тайинланади. 2011 йилда бу номга мамлакатнинг президенти Эво Моралес тайинланган эди. Индеецлар  оммавий тўй анъаналарининг  ўзига хос тарихий илдизлари бор. Тарихий манбаларга кўра,  бир куни Олий Инка белгиланган ҳудудга бир қанча муддатга келиб, икки ёшни яъни, ёш қиз ва йигитларни бир-бирларига  юзма-юз қараб туришларини буюради. Шундан сўнг, у ёшларни ҳатти-ҳаракатларига қараб, ўзи мустақил танлаган жуфтликларни эр-хотин деб эълон қилган.

Янги Зеландия

Янги Зеландия урф-одатларига кўра,  эркак киши ўзи танлаган қизга уйланиш таклифини айтиши учун, тугун қилиб ўралган арқонни беради. Тўй маросимларида ҳам, арқон иштирок этади. Уни халқа ўрнида ишлатиб, икки ёш келин-куёвнинг бўйнига тақиб қўяди. Арқондаги ўрамлар рамзий маънода келин-куёвнинг бир умр бирга бўлишларини билдиради.