Almaniyalı siyasətçi: Bugün, İran beynəlxalq arenada məsuliyyətli bir oyunçudur

Kristof Herstel, İranın Fələstini dəstəkləməsi və böyük güclərin hegemonluğuna qarşı mübarizəsini təhsin edərək deyib: "İran İslam Respublikası, səbir və möhkəmliyi ilə qlobal məsələlərdə bənzərsiz bir yer tutmuş və bir çox xalqların hörmətini və etimadını qazanmışdır."

Almaniyalı siyasətçi Kristof Herstel, İRNA ilə söhbətində İranın beynəlxalq arenadakı mövqeyini belə şərh edib:“İran, beynəlxalq səviyyədə, ehtiyatlı diplomatiyasına, ağıllı əlaqələrə və davamlı, uzunmüddətli dostluq əlaqələri qurmağa sadiqliyi ilə tanınır. Dünyanın 250 il boyunca ABŞ-yə qarşı "şok və qorxu" ilə baxdığı halda, İran müharibə istəyən bir təcavüzkar deyil, əksinə ağıllı idarəetmə və əlaqələrin yaxşılaşdırılması istiqamətində addımlar atmışdır.”Herstel, İsmayıl Həniyənin İran səfəri zamanı şəhid edilməsindən bəhs edərək deyib:“Bu hadisə, sülh danışıqları tarixində bənzərsiz bir nümunədir; burada sionist rejimi qarşı tərəf, yəni Fələstinin əsas fiquru öldürmüşdür. Bu hadisədən, sionistlərin gücdən deyil, əxlaqi zəiflik və daxili çöküşdən qaynaqlanan cinayət törətdiklərini bilmək olar. İran isə bu siyasətlərə qarşı inanılmaz səbir, möhkəmlik və dayanıqlılıq göstərmiş, bununla da bir çox xalqların hörmətini və etimadını qazanmışdır.”Herstel, İranın Fələstin məsələsindəki dəstəyini təhsin edərək deyib:“İranın Fələstinin müstəqil dövlətinin və hüquqlarının müdafiəsindəki güclü dəstəyi, gündən-günə dünyada daha çox təqdirə səbəb olur. İran və Hizbullah olmasaydı, Fələstin çoxdan yox olmuşdu. İran dünyada yeni dostlar tapmış və Fələstinin bütün tərəfdarları üçün ümid yeri olmuşdur; bu dəstək İran üçün çox ağır başa gəlsə belə.”O əlavə edib:“İran, müxtəlif sahələrdə bacarıqlarını, texnologiyalarını və yeni biliklərini, həmçinin mənəvi rəhbərliyi, hərbi təcrübəsi və iqtisadi faydalarını təqdim etmişdir. Bu, unikal bir‘uğur paketidir; İranın parlaq qəhrəmanı, şəhid general Qasim Süleymani, bu yolun ən bariz nümunəsidir. Hazırkı İran Xarici İşlər naziri Dr. Seyid Abbas Əraqçi isə mənim fikrimcə, möhtəşəm bir iş görür.”