Düşmən haqqında dəyərli məlumatlar əldə etmişik

İran Müdafiə Nazirliyinin rəhbəri bildirib ki, müharibə zamanı düşmənə kömək edən texnoloji imkanlar barədə qiymətli və dəqiq məlumat və təhlillər əldə edilib.

PARS Today-nin məlumatına görə, briqada generalı İbn ər-Rza çərşənbə günü axşam İran İslam Respublikası Ordusunun Baş Komandanı, general-mayor Əmir Hətəmi və bir qrup yüksək rütbəli komandirlə görüşündə İran Silahlı Qüvvələrinin, o cümlədən Ordunun, İslam Keşikçiləri Korpusunun və (hüquq-mühafizə qüvvələrinin) fədakarlığını İranın müdafiəsi tarixində qızıl səhifə adlandıraraq bildirib: “Bu müdafiə və müqavimət tarixdə əbədi qalacaq.”

Briqada generalı İbn ər-Rza ABŞ-ın İrana qarşı son təcavüzkar müharibəsinin sənaye və texnoloji proseslərinə toxunaraq deyib ki, döyüş meydanında aparılan araşdırma və təhlillər düşmənin İran İslam Respublikası ilə ən yüksək texnologiya səviyyəsində qarşı-qarşıya gəldiyini göstərir. Onun sözlərinə görə, bu müharibə texnoloji baxımdan İran üçün mühüm nailiyyətlər və dərslər gətirib.

İbn ər-Rza vurğulayıb ki, İran İslam Respublikası yerli müdafiə sənayesinə, alimlərə, istedadlı mütəxəssislərə, gənc mühəndislərə və daxili imkanlara arxalanaraq bu səviyyədə texnologiyanın qarşısında dayana bilib. O bildirib ki, bu müharibə göstərdi: hətta genişmiqyaslı sanksiyalar və təzyiqlər şəraitində belə, daxili potensiala və yerli imkanlara güvənməklə ən qabaqcıl texnologiyaların qarşısında dayanmaq və qalib gəlmək mümkündür.