Yəmən sionist və Amerikanın mühüm hədəflərinə raket və dron hücumları edib
Yəmən silahlı qüvvələrinin sözçüsü həssas sionist və Amerika hədəflərinə qarşı raket və PUA əməliyyatlarının həyata keçirildiyini açıqlayıb.
Yəmən silahlı qüvvələrinin sözçüsü Yəhya Səri verdiyi açıqlamada vurğulayıb ki, Fələstin xalqına dəstək və İsrail-Amerika-İngiltərənin ölkəsinə qarşı təcavüzlərinə cavab olaraq Yəmən silahlı qüvvələri iki unikal hərbi əməliyyat keçirib.
Bu bəyanatda bildirilir ki, Yəmən silahlı qüvvələri ilk əməliyyatda “Fələstin 2” ultrasəs ballistik raketi ilə Yaffada (Təl-Əviv) Ben-Qurion aeroportunu hədəfə alıb.
O, ikinci əməliyyatda işğal altındakı Qüdsün cənubundakı elektrik stansiyasının “Zülfiqar” ballistik raketi ilə hədəf alındığını bildirib.
Bu açıqlamanın başqa bir hissəsində deyilir: Eyni zamanda Yəmənin donanması, raket və PUA qüvvələri çoxlu sayda PUA və qanadlı raketlərlə Yəmənə qarşı böyük bir hava əməliyyatına hazırlaşan USS Harry Truman aviadaşıyıcı gəmisini hədəf aldı.
