Razılaşma çərçivəsində fələstinli məhbusların ilk qrupu azad edilib

İsraillə əsir mübadiləsi çərçivəsində 90 nəfərdən ibarət fələstinli məhbusların birinci qrupu Ofer həbsxanasından azad edilib.

İRNA-nın məlumatına görə, Fələstin mənbələri Əl-Cəzirə telekanalına bildiriblər ki, 90 fələstinli məhbusu daşıyan avtobuslar İordan çayının qərb sahilində Ramallahın qərbindəki Bitoniyaya daxil olub.

Əl-Cəzirə həmçinin bildirib ki, Qüdsdən olan qadın məhbuslar ailələrinə azadlıqlarını qeyd etməyə icazə verməyən işğalçı qüvvələrin izdihamı arasında şərqi Qüdsdəki evlərinə qayıdıblar.