Netanyahuya qarşı etirazların 32-ci şənbəsi başladı

Sionist rejimin radikal kabinetinə və onun ziddiyyətli əməllərinə qarşı etirazlar davam edir. Bu gün (şənbə) axşam saatlarından işğal olunmuş ərazilərdə ardıcıl 32-ci həftə olaraq nümayişlər başlayıb.

 sionist “Kan” kanalının bu barədə yaydığı xəbərə əsasən, sionist rejimin baş naziri Benyamin Netanyahuya qarşı ardıcıl etirazların 32-ci şənbəsində bu gün axşam saatlarında yüzlərlə etirazçı işğal olunmuş ərazilərin müxtəlif bölgələrində ona qarşı keçirilən nümayişlərdə iştirak edib.

Bu xəbərə əsasən, etiraz edən sionistlər bir daha mübahisəli “məhkəmə dəyişiklikləri” qanun layihəsinə qarşı olduqlarını elan ediblər və bu qanun layihəsinin təsdiqi prosesinin tamamilə dayandırılmasını tələb ediblər.

Etirazçılar bildirirlər ki, məhkəmə dəyişiklikləri ilə bağlı qanun layihəsi sionist rejimdə iddia edilən “demokratiya”ya ciddi zərbə vuracaq, çünki ali məhkəmənin əsas qanunların təsdiqi prosesinə təsirini məhdudlaşdırır və knesset üzvlərinə onun təsdiqini təxirə salmağa imkan verir.

Müxalifət fraksiyası hesab edir ki, qanun layihəsi nazirlər kabinetinə hakimləri təyin edən komitədə nəzarəti ələ keçirməyə imkan verəcək.

Netanyahu bu planın “demokratiya”ya təsir etməyəcəyini və onun məqsədinin səlahiyyətlər (qanunverici, icra və məhkəmə) arasında balansı bərpa etmək olduğunu iddia edir.