Putin qərbə xəbərdarlıq edib
Rusiya Prezidenti Vladimir Putin Qərbə Aİ və ABŞ tərəfindən Ukraynada münaqişənin gərginləşməsinin ciddi nəticələri barədə xəbərdarlıq edib.
Britaniyanın “Daily Express” qəzeti bu barədə yazıb.
Məlumata görə bəyanat Daşkənddə keçirilən mətbuat konfransında Rusiya liderinin NATO üzvlərinin Avropadakı roluna işarə etdiyi zaman verilib. Rusiya Federasiyasının prezidenti qeyd edib ki, kiçik Avropa ölkələri Rusiyanı təxribata çəkməklə bağlı riskləri nəzərə almalıdır.
“Putin Ukraynadakı münaqişənin kəskinləşməsi ilə bağlı Qərbə ciddi xəbərdarlıq edərək, dəhşətli qlobal nəticələrin potensialını vurğulayıb” - nəşr yazıb.
Qeyd edək ki, Ukrayna hakimiyyəti ABŞ-ın Rusiyaya Amerika silahları ilə zərbələr endirmək qadağasını ləğv etməsini istəyir. Bəzi qeyri rəsmi mənbələr ABŞ prezidentinin bununla razılaşdığını bildirirlər.
