Պուտին. Մոսկվան ջանք չի խնայի ղարաբաղյան հակամարտության կարգավորման համար
Մոսկվան ջանք չի խնայի ղարաբաղյան հակամարտության կարգավորման համար:
Այդ մասին ՌԴ նախագահ Վլադիմիր Պուտինը հայտարարել է Պեկինում Ադրբեջանի նախագահ Իլհամ Ալիևի հետ հանդիպմանը: Նա հավելել է, որ ՌԴ-ն կշարունակի միջնորդական գործունեությունը ղարաբաղյան հակամարտության խաղաղ կարգավորման համար:
Ապրիլի 25-27-ը Պեկինում ընթանում է «Մեկ գոտի՝ մեկ ճանապարհ» համաժողովը:
«Պեկինում ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի հանդիպմանը քննարկվել է նաև ղարաբաղյան հակամարտության կարգավորումը: Պուտինը հայտարարել է, որ Ռուսաստանը որպես ԵԱՀԿ Մինսկի խմբի համանախագահ ջանք չի խնայի հակամարտության կարգավորման համար»,-ասվում է Ադրբեջանի նախագահի մամուլի ծառայության հաղորդագրության մեջ, հայտնում է Interfax.az-ը:
Ալիևը բարձր է գնահատել Ռուսաստանի ջանքերը որպես ԵԱՀԿ ՄԽ համանախագահ ղարաբաղյան հակամարտության կարգավորման հարցում:
panarmenian.net
