ՀՀ նախագահը կբանախոսի Մյունխենի անվտանգության համաժողովում
Հանրապետության նախագահ Արմեն Սարգսյանն աշխատանքային այցով մեկնել է Գերմանիա: Մյունխենի անվտանգության համաժողովի շրջանակում նա կբանախոսի քվանտային քաղաքականությանն առնչվող քննարկմանը:
Ներկայացնելով իր քվանտային տեսությունը՝ նախագահ Սարգսյանը կխոսի աշխարհում սրընթաց զարգացումների, համաշխարհային ռիսկերի, նոր քվանտային տեխնոլոգիաների ու համակարգերի, քաղաքականության քվանտային վարքագծի մասին:
Վերջին հինգ տասնամյակում Մյունխենի անվտանգության համաժողովը դարձել է միջազգային անվտանգության քաղաքականության քննարկման աշխարհի առաջատար հարթակ: Ամեն տարի փետրվարին այն մեկ հարկի տակ է համախմբում տարբեր պետությունների ու կառավարությունների ղեկավարների, քաղաքական, հասարակական գործիչների, դիվանագետների, հեղինակավոր վերլուծաբանների ու փորձագետների ամբողջ աշխարհից՝ ակտիվ քննարկումներ ունենալու անվտանգության խնդիրների, արդի և ապագա մարտահրավերների մասին:
Գերմանիայում է նաև ՀՀ վարչապետ Նիկոլ Փաշինյանը: Նա նույնպես կմասնակցի Մյունխենի անվտանգության համաժողովին:
Panarmenian.net
