ԱՄՆ կառավարությունը վերացրեց ԼՂ-ին (Արցախ) տրամադրվող օգնությունը

Չնայած վերջին ամիսներին հայկական լոբբիստական կազմակերպությունների և Կոնգրեսականների կողմից ձեռնարկված ակտիվ ջանքերին, չհաջողվեց ԼՂ-ի համար պահպանել ԱՄՆ կողմից տրամադրվող ուղիղ օգնությունը։

 Թրամփի վարչակազմը որոշում կայացրեց կրճատել ԼՂ-ում իրականացվող ականազերծման ծրագիրը:

Այս մասին հայտնում են  «Ամերիկյան հետազոտություների հայկական կետրոն»-ից։

«Ամերիկյան հետազոտությունների հայկական կենտրոնը բազմիցս ներկայացրել էր Ադրբեջանի իշխանությունների ակտիվ աշխատանքը՝ այդ թվում ծախսած գումարները ԱՄՆ անվտանգության խորհրդում, իրենց շահերն առաջ մղելու նպատակով։ Հենց ԱՄՆ ազգային անվտանգության խորհուրդն էր որոշելու այս ծրագրի ապագան։

Նշենք, որ ԱՄՆ-ն Հայաստանից զատ միակ պետությունն էր, որ ուղիղ ֆինանսական օգնություն էր տրամադրում Արցախին, առանց ճանաչելու այդ պետության անկախությունը»,– ասվում է կենտրոնի տարածած հաղորդագրությունում։

News.am