Կառավարությունն առաջարկում է արտակարգ դրությունը եւս 30 օրով երկարաձգել

Կառավարությունը մայիսի 14-ին կքննարկի երկրում արտակարգ դրության ժամկետը եւս 30 օրով երկարաձգելու հարցը։

«Արմենպրես»-ի փոխանցմամբ, գործադիրի վաղվա նիստի օրակարագում է երկրում մարտի 16-ին հայտարարված և մինչև մայիսի 14-ը երկարաձգված արտակարգ դրության ժամկետը մայիսի 14-ից` ժամը 17:00-ից` 30 օրով` մինչև հունիսի 13-ը` ժամը 17:00-ն ներառյալ ժամկետով երկարաձգելու հարցը: Նախագծվում նշված է, որ նոր կորոնավիրուսային հիվանդության (COVID-19) հետևանքով առաջացած արտակարգ իրավիճակը շարունակում է սպառնալ բնակչության կյանքին և առողջությանը և կարող է հանգեցնել անձանց կենսագործունեության բնականոն պայմանների խախտման, և արտակարգ դրություն հայտարարելու համար հիմք ծառայած հանգամանքները դեռևս չեն վերացել, որի մասին են վկայում, մասնավորապես, հաստատված կորոնավիրուսային հիվանդության 3 հազար 538 դեպքերը:

Armenpress .am