Իրանի կողմից տրամադրվող մարդասիրական բեռն արդեն Հայաստանում է
ՀՀ Առողջապահության նախարարության հայտարարորթւյան համաձայն, Իրանի կողմից տրամադրվող մարդասիրական բեռն արդեն Հայաստանում է, ինչի մասին հայտնել էր Իրանի Իսլամական Հանրապետության արտակարգ և լիազոր դեսպան Աբբաս Բադախշան Զոհուրին առողջապահության նախարար Արսեն Թորոսյանի հետ հանդիպման ժամանակ:
Կորոնավիրուսային հիվանդության համավարակի (COVID-19) դեմ պայքարի շրջանակներում Հայաստանին նվիրաբերվել է 5 անուն բժշկական սարք, այդ թվում պուլսօքսիմետրեր, ախտահանման լուծույթներ, ջերմաչափեր, COVID-19-ի հանդերձանք (IgM, IgG) և այլ պարագաներ:
Մարդասիրական բեռի հանձնման-ընդունմանը ներկա են եղել Հայաստանում Իրանի փոխդեսպան Ալի Մոհամադ Մոթաղին, ՀՀ ԱՆ «Մարդասիրական օգնության հանրապետական կենտրոնի» տնօրեն Դավիթ Ալթունյանը, ՀՀ ԱՆ Միջազգային հարաբերությունների վարչության պետի պարտականությունները կատարող Հասմիկ Սաֆարյանը, Իրանի դեսպանատան և առողջապահության նախարարության ներկայացուցիչներ:
