Նիկոլ Փաշինյանը երկու ընդդիմադիր խմբակցություններին հրավիրեց հանդիպման
Հոկտեմբեր 27, 2021 14:40 Asia/Tehran
ՀՀ վարչապետ Նիկոլ Փաշինյանը խորհրդարանական երկու ընդդիմադիր խմբակցություններին Արցախի հիմնահարցը քննարկելու համար հրավիրեց հանդիպման: «Արմենպրես»-ի հաղորդմամբ՝ Փաշինյանն այս մասին ասաց ԱԺ-ում կառավարության անդամների հետ հարցուպատասխանին:
Նա նկատեց՝ ընդդիմությունը հարցեր է տալիս՝ իմանալով, որ դռնբաց ռեժիմով այդ հարցերին պատասխանելը դժվար է:
Անդրադառնալով նստել-խոսելու՝ ընդդիմության կողմից հնչեցված խոսքերին՝ Փաշինյանը նրանց հրավիրեց խոսելու: «Ո՞վ է երբևէ խոսելուց հրաժարվել: Ո՞ւմ եք հրավիրել: Մեծ հաճույքով, նստենք, խոսենք: Ես ընդունում եմ առաջարկը և երկու ընդդիմադիր խմբակցություններին ամբողջ կազմով հրավիրում եմ հանդիպման»,-ասաց Փաշինյանը:
armenpress.am
Պիտակ
