Ոստիկանությունը Գորիս-Կապան ճանապարհին ապահովում է անվտանգությունը և ուղեկցումներ է իրականացնում
Նոյեմբեր 01, 2021 17:05 Asia/Tehran
ՀՀ ոստիկանությունը Գորիս-Կապան ճանապարհահատվածում նախ ապահովում է քաղաքացիների անվտանգությունը, ապա ուղեկցումներ է իրականացնում: Հատկապես վերջին շրջանում եղանակային պայմանների հետ կապված՝ այդ ուղեկցումների թիվն աճում է:
«Արմենպրես»-ի հաղորդմամբ` լրագրողների հետ ճեպազրույցում այս մասին ասաց ՀՀ ոստիկանապետի տեղակալ Արա Ֆիդանյանը:
«Առհասարակ ունենք խնդիր՝ կապված ոստիկանության ծառայողների թվաքանակի հետ: Այդուհանդերձ, կարողանում ենք այլ ծառայությունների ուժերով ուղեկցումներ կազմակերպել և մինչ օրս որեւէ խնդիր չենք ունեցել: Ուղեկցումներ են իրականացվում նաև Տաթևի ուղղությամբ: Գիտեք, որ այդտեղ տեղի են ունեցել բեռնատարների որոշակի կուտակումներ, բավականին մեծամասշտաբ աշխատանք տարվում է այդ հատվածում»,-հավելեց Ֆիդանյանը:
armenpress.am
Պիտակ
