Իրանի դեսպանի ներկայությամբ, Երևանում տեղի է ունեցել «Իրանի արևը» գրքի շնորհանդեսը
Իրանի դեսպանի ներկայությամբ Հայաստանի գրողների միությունում տեղի է ունեցել «Իրանի արևը» գրքի շնորհանդեսը։
Հայաստանում Իրանի դեսպան Աբբաս Բադախշան Զոհորին բարձր է գնահատել ԻԻՀ դեսպանության մշակույթի խորհրդականի և Հայաստանի գրողների միության համատեղ ջանքերով «Իրանի արևը» գրքի հրատարակումը:
Զոհուրին կարևորելով նման գրքերի հրատարակման դերը երկու երկրների միջև մշակութային կապերի ամրապնդման գործում, նշել է. «Նմանատիպ միջոցառումների կազմակերպումը նպաստում է, որ ավելի լավ ճանաչենք մեր ժողովուրդների մշակույթը և քաղաքակրթությունը, որն անհրաժեշտ է փոխանցել մատաղ սերնդին»:
Հայաստանում ԻԻՀ դեսպանատան մշակույթի խորհրդական Սեյյեդ Մոհամմադ Հոսեյն Թաբաթաբային ասել է. «Արվեստագետները կարևոր դեր են խաղում շրջապատող աշխարհի, այդ թվում՝ հարևանների նկատմամբ ցանկացած հասարակության տեսակետի ձևավորման հարցում»:
«Իրանի արևը» ժողովածուում զետեղվել են հայ դասական և ժամանակակից գրողների՝ Իրանի պատմության, մշակույթի և գրականության, հայ և պարսիկ ժողովուրդների պատմական անցյալի և ներկայի մասին գեղարվեստական ստեղծագործությունները, հոդվածներն ու խոհագրությունները:
