Եթե Հայաստանը ճիշտ ընթացակարգով դիմեր Ռուսաստանին, իրավիճակն այլ կլիներ. Սերժ Սարգսյան

ՀՀ երրորդ նախագահը վստահեցրել է, որ Արցախը երբեք չի լինելու Ադրբեջանի կազմում։

ԵՐԵՎԱՆ, 14 մայիսի – Sputnik. Եթե 44-օրյա պատերազմի ընթացքում Հայաստանը ճիշտ ընթացակարգով դիմեր Ռուսաստանին, իրավիճակն այսօր բոլորովին այլ կլիներ։ Երեկ ուշ երեկոյան Ֆրանսիայի հրապարակում ֆրանսիական լրատվամիջոցին տված հարցազրույցում ասել է ՀՀ երրորդ նախագահ Սերժ Սարգսյանը։

«Ռուսաստանը պատրաստ է կատարել դաշնակցի իր պարտավորությունները, ուղղակի Հայաստանի ղեկավարությունը պետք է ճիշտ ուղղությամբ շարժվի և ոչ թե բանավոր ինչ-որ հայտարարություններ անի կոնֆլիկտի ժամանակ, պետք է պայմանագրով նախատեսված ձևերով դիմի, Ռուսաստանից օժանդակություն խնդրի, և Ռուսաստանը կկատարի իր պարտավորությունները։ Ես վստահ եմ` եթե 44-օրյա պատերազմի ընթացքում Հայաստանը ընթացակարգով նախատեսված ձևերով դիմեր Ռուսաստանին, ապա մենք այսօր բոլորովին այլ իրավիճակում կլինեինք»,– ասել է Սարգսյանը։

Արցախի հետագա ճակատագրի մասին հարցին ի պատասխան ՀՀ երրորդ նախագահն ասել է, որ Ղարաբաղը երբեք չի լինելու Ադրբեջանի կազմում։

https://armeniasputnik.am/20220514/ete-hajastany-tshisht-yntacakargvov-dimer-rusastanin-iravitshakn-ajl-kliner-serzh-sargsjan-42039123.html