Հայաստանը ցանկություն է հայտնել գլխավոր հյուպատոսություն բացել Թավրիզում
Նշելով, որ Իրանը Հայաստանի կարևոր գործընկերն է, ՀՀ ԱԳ նախարարը հայտարարել է Թավրիզում գլխավոր հյուպատոսություն բացելու Երևանի ցանկության մասին։
Ուրբաթ օրը, ՀՀ Սյունիքի մարզի Կապան քաղաքում ԻԻՀ գլխավոր հյուպատոսության բացման արարողության ժամանակ, որին ներկա է եղել նաև ԻԻՀ ԱԳ նախարար Հոսեյն Ամիր Աբդոլլահյանը, Արարատ Միրզոյանը հայտարարել է, որ Իրանը Հայաստանի կարևոր գործընկերն է:
Նա նշել է, որ Կապանում Իրանի գլխավոր հյուպատոսության բացումը կդառնա երկկողմ համագործակցության խթանման հիմք և կնպաստի երկու երկրներիր հարաբերությունների զարգացմանը:
Անդրադառնալով երկու երկրների հարաբերությունների երեսնամյա պատմությանը, Միզրոյանն ասել է. «Վերջին 30 տարիների ընթացքում մեր անցած ուղին հիմնված է եղել եղբայրության և սերտ գործընկերության ոգու վրա հիմնված ռազմավարական հարաբերություններ զարգացնելու մեր անկեղծ ցանկության վրա: Վստահ եմ, որ այսուհետ անհրաժեշտ ջանքեր կգործադրվեն հարաբերությունները խորացնելու և ամրապնդելու ուղղությամբ»:
