Իլհամ Ալիևը կրկին պատերազմով սպառնացել է Հայաստանին
Ադրբեջանի Հանրապետության նախագահ Իլհամ Ալիևը հերթական անգամ սպառնացել է Հայաստանին նոր պատերազմով և հայկական հողերի օկուպացմամբ։
«Ենի Մուսավաթ» կայքի հաղորդման համաձայն Թարթար քաղաք մեկնած Իլհամ Ալիևը անտեսելով միջազգային օրենքները սպառնացել է Հայաստանին։
Իլհամ Ալիևն ասել է. «Հայերը կարող են հարմարավետ ապրել Հայաստանին պատկանող 29000 քառակուսի կիլոմետր հողում միայն այն դեպքում, եթե ընդունեն Բաքվի նախապայմանը»։
Ադրբեջանի նախագահը Հայաստանի խաղաղությունը պայմանավորել է Ղարաբաղը որպես Ադրբեջանի Հանրապետության տարածք ճանաչելով եւ ասել.«Երեւանը պետք է խաղաղության պայմանագիր կնքի Բաքվի հետ եւ սահմանազատատումը կատարի մեր պայմաններով»:
Իլհամ Ալիևը սպառնացել է, որ եթե Հայաստանը չճանաչի Ադրբեջանի Հանրապետության տարածքային ամբողջականությունը՝ ելնելով Բաքվի նախապայմանից, մենք չենք ճանաչի Երևանի տարածքային ամբողջականությունը, և դրա հետևանքների պատասխանատուն կլինի Հայաստանը։
ԱՀ նախագահն ասել է, որ Բաքուն ուժեղ կամք ունի, և այդ կամքը դրսևորել է Ղարաբաղյան երկրորդ պատերազմի ժամանակ։