ՌԴ ԱԳ փոխնախարարը և Հայաստանի դեսպանը քննարկել են Լաչինի միջանցքում տիրող իրադրությունը
Ռուսաստանի արտաքին գործերի փոխնախարար Միխայիլ Գալուզինը Մոսկվայում Հայաստանի դեսպան Վաղարշակ Հարությունյանի հետ կայացած հանդիպմանը քննարկել է Լաչինի միջանցքում և Լեռնային Ղարաբաղի շուրջ տիրող իրավիճակը։
Ինչպես հաղորդում է «Արմենպրես»-ը, այդ մասին հաղորդագրություն է տարածել ՌԴ արտաքին գործերի նախարարությունը։
«Քննարկվել է Լաչինի միջանցքում և ընդհանրապես Լեռնային Ղարաբաղի շուրջ իրադրության զարգացումը։ Վերահավաստվել է Ռուսաստանի, Հայաստանի և Ադրբեջանի ղեկավարների միջև հայ-ադրբեջանական հարաբերությունների նորմալացման շուրջ 2020 – 2022 թվականների համաձայնությունների ամբողջ համալիրի անշեղ կատարման կարևորությունը», - նշել են ՌԴ դիվանագիտական գերատեսչությունում:
Նախարարությունում հավելել են, որ հանդիպման ընթացքում արծարածվել են երկկողմ օրակարգի հրատապ հարցեր, ներառյալ բոլոր մակարդակներում քաղաքական երկխոսության զարգացումը և տնտեսական կապերի ամրապնդումը:
armenpress.am
