Երևանում կանցկացվի հայ-իրանական գործարար համաժողով
Հայաստանի էկոնոմիկայի նախարարությունը հայտարարել է, որ «Երևան Էքսպո» կենտրոնում օգոստոսի 25-ին և 26-ին տեղի կունենա հայ-իրանական գործարար համաժողով։
Էկոնոմիկայի նախարարության հայատարարության համաձայն՝«Երևան Էքսպո» ցուցահանդեսային կենտրոնում կանցկացվի ԻԻՀ ազատ և հատուկ տնտեսական գոտիների ներդրումային փաթեթների և արտահանման հնարավորությունների ցուցահանդես, որի շրջանակներում կներկայացվեն ԻԻՀ և ՀՀ ազատ գոտիների միջև համագործակցության ոլորտները, ներդրումային փաթեթները և զբոսաշրջության կարողությունները:
Գործարար համաժողովին մասնակցելու են ներմուծման, արտահանման, ինչպես նաև զբոսաշրջության, կոսմետիկ միջոցների, կենցաղային տեխնիկայի, տեքստիլի, ավտոպահեստամասերի, ապահովագրության, LED լամպերի և լույսերի, ջերմոցային, գյուղատնտեսական արտադրանքի տեսակավորման, շինարարական և այլ ոլորտների ներկայացուցիչներ։
Մոտ 3 ամիս առաջ Հայաստանի հարավային Սյունիքի մարզում գտնվող Կապանի Մշակույթի կենտրոնում տեղի ունեցավ ցուցահանդես, որտեղ ցուցադրվեց Իրանի Արաս ազատ տնտեսական գոտին (ԱՏԳ): Միջոցառմանը մասնակցել էին Իրանի և Հայաստանի պաշտոնյաներն ու գործարարները։