ՄԱԿ-ի ԱԽ-ն կոչ է արել խաղաղություն հաստատել Ղարաբաղում
Ղարաբաղի հարցով ՄԱԿ-ի ԱԽ արտահերթ նիստի մասնակիցները կոչ են արել խաղաղություն հաստատել Ղարաբաղում և պաշտպանել այդ տարածաշրջանի բնակիչների իրավունքները:
Լեռնային Ղարաբաղում մի քանի օր շարունակվող մարտերից հետո, հայկական ուժերը համաձայնել են ռուս խաղաղապահների առաջարկած հերթական զինադադարին։
Ընդդիմությունը պահանջում է ՀՀ վարչապետ Նիկոլ Փաշինյանի հրաժարականը՝ նրան մեղադրելով Ղարաբաղն Ադրբեջանին հանձնելու մեջ:
Ֆրանսիայի ԱԳ նախարար Քեթրին Կոլոննան հինգշաբթի երեկոյան Անվտանգության խորհրդի նիստում ասել է, որ Ադրբեջանի տարածքային ամբողջականությունը հաշվի առնելով հանդերձ, կարևոր է, որ Լեռնային Ղարաբաղի հայերի իրավունքները հարգվեն:
ՄԱԿ-ում Միացյալ Նահանգների մշտական ներկայացուցիչ Լինդա Թոմաս Գրինֆիլդը նույնպես հայտարարել է. «Ադրբեջանը պատասխանատվություն է կրում ապահովելու, որ իր ուժերը հարգեն միջազգային օրենքները»:
ՄԱԿ-ում Ռուսաստանի մշտական ներկայացուցչի տեղակալ Դմիտրի Պոլյանսկին նույնպես ասել է.«Զինադադարը պետք է ուղեկցվի անվտանգության հստակ ու հուսալի երաշխիքներով ու Ղարաբաղի ժողովրդի իրավունքների հարգմամբ»։
Նա հայտարարել է. «Մենք պետք է աստիճանաբար մշակենք Ղարաբաղի ժողովրդի՝ Ադրբեջանի սահմանադրական կարգին ինտեգրվելու ճանապարհային քարտեզ և դիտարկենք նրա իրավունքների և անվտանգության երաշխիքները»։
Թուրքիայի փոխարտգործնախարար Բուրաք Ագջաբարն ասել է. «Մեր բոլորի, այդ թվում՝ հայերի, գլխավոր նպատակը պետք է լինի Ադրբեջանում խաղաղ համակեցությունը»։
ՀՀ ԱԳ նախարար Արարատ Միրզոյանը հայտարարել է, որ եթե համաշխարհային տերությունները չմիջամտեն, Բաքուն կարող է խաղաղ բնակչության դեմ ուժ կիրառել։
Ադրբեջանի արտգործնախարար Ջեյհուն Բայրամովը Երևանին մեղադրել է կեղծ տեղեկություններ տարածելու մեջ և ասել, որ Բաքուն հակաահաբեկչական գործողություններ է իրականացրել հայկական ուժերի դեմ:
