Բահրեյնի. կյանքի իրավունքը չի կարող դառնալ գերտերությունների սակարկության առարկա
ՄԱԿ-ում Իրանի դեսպան և մշտական ներկայացուցիչը, նախազգուշացնելով միակողմանի հարկադրական միջոցների մարդասիրական հետևանքների մասին, ընդգծել է, որ պատժամիջոցները թուլացնում են ժողովուրդների հիմնարար իրավունքները, և կյանքի իրավունքը չի կարող դառնալ գերտերությունների սակարկության առարկա։
Հղում անելով IRIB-ին, Pars Today-ը հաղորդում է, որ Մարդու իրավունքների խորհրդի՝ միակողմանի հարկադրական միջոցների բացասական ազդեցության հարցերով հատուկ զեկուցող Զինա Ջալադի հետ ինտերակտիվ հանդիպման ժամանակ, Ալի Բահրեյնին հայտարարել է, որ որևէ քաղաքական նպատակ չի կարող արդարացնել մի ամբողջ ժողովրդի վրա տնտեսական ճնշում գործադրելը կամ նրա հիմնարար իրավունքները մեկ այլ պետության պահանջներին ենթարկվելու պայմանով սահմանափակելը։
Անդրադառնալով Իրանի դեմ անօրինական ռազմական ագրեսիային, ԱՄՆ-ի կողմից «տնտեսական պատերազմ» և «պատմության մեջ ամենախիստ պատժամիջոցներ» հայտարարելուն, երկրի տնտեսական գործընկերներին սպառնալու և ծովային շրջափակման շարունակմանը, նա նշել է, որ այս գործողությունները անկախ և դիմակայող ժողովրդին թուլացնելու ավելի լայն ռազմավարության մաս են կազմում։
Բահրեյնին, վկայակոչելով ՄԱԿ-ի փորձագետների գնահատականները, միակողմանի հարկադրական միջոցները բնութագրել է որպես գաղութատիրական ճնշում գործադրելու գործիք, որը թուլացնում է ինքնիշխան հավասարությունն ու ժողովուրդների ինքնորոշման իրավունքը։
Իրանի ներկայացուցիչն ընդգծել է. «Միակողմանի հարկադրական միջոցները, ծանր մարդասիրական ծախսեր պարտադրելով և ժողովուրդների հիմնարար իրավունքները թուլացնելով, չեն կարող քաղաքական նպատակների իրագործման օրինական միջոց լինել»։
Նա ընդգծել է. «Կյանքի իրավունքը սակարկության առարկա չէ, իսկ ժողովուրդների ինքնորոշման իրավունքը արտոնություն չէ, որը մեծ տերությունները կարող են շնորհել կամ զրկել դրանից։ Երկու իրավունքներն էլ պետք է հարգվեն առանց բացառության»։
