Բասկյան ընկերությունները այցելելու են Հայաստան և Վրաստան
Բասկյան յոթ ընկերություններից բաղկացած պատվիրակությունը սկսել է առևտրային առաքելությունը դեպի Վրաստան և Հայաստան՝ ծանոթանալու համար Արևելյան Եվրոպայի երկու երկրների շուկաների հնարավորություններին, որոնք կարող են առաջարկելիք ունենալ բասկյան արդյունաբերությանը:
«Արմենպրես»-ի փոխանցմամբ՝ «Եվրոպրես»-ը գրում է, որ առաքելությունը կազմակերպվել է Բիլբաոյի պալատի կողմից Ալավայի և Գիպուզկոայի հետ, ինչպես նաև Բասկյան կառավարության տնտեսական զարգացման մրցունակության վարչության աջակցությամբ:
Բիլբաոյի առևտրաարդյունաբերական պալատը հայտարարել է, որ Հայաստանը բասկերի արդյունաբերության համար հետաքրքիր շուկա է՝ պայմանավորված մի շարք գործոններով, ինչպես օրինակ մեքենաների և տրանսպորտային սարքավորումներ մշտական պահանջարկը ԵՄ-ից: Բացի այդ՝ վերջին տարիներին առկա է Իսպանիայից ներկրման աճ, տրանսպորտային ենթակառուցվածքների ներդրումներ, ինչպիսիք են Հայաստանը Իրանին կապող երկաթուղային գիծը, կամ հնացած ենթակառուցվածքների արդիականացումը:
