Դատախազությունը պահանջում է Սերժ Սարգսյանից բռնագանձել մոտ կես միլիարդ դրամ

Գլխավոր դատախազությունը պահանջում է երրորդ նախագահ Սերժ Սարգսյանից բռնագանձել մոտ կես միլիարդ դրամ:

Սա այն գումարի չափն է, որի հափշատկության համար մեղադրվում է նախկին նախագահը դիզվառելիքի գործով:

Այսօր հերթական դատական նիստն այդ պատճառով հետաձգվեց: Սարգսյանի փաստաբանները երկու շաբաթ խնդրեցին հայցին ծանոթանալու ու իրենց առարկությունները ներկայացնելու համար:

Հիշեցնենք, որ ըստ հայցադիմումի՝ վիճելի ժամանակահատվածում իրականացված գյուղատնտեսական օգնության ծրագրի շրջանակներում դիզվառելիքի մատակարարման համար գյուղնախարար Սերգո Կարապետյանը հանրապետության նախագահ Սերժ Սարգսյանի կազմակերպմամբ եւ ծրագրին մասնակից «Ֆլեշ» ՍՊԸ-ի տնօրեն Բարսեղ Բեգլարյանի դրդմամբ պետական պահուստային ֆոնդից մոտավորապես 490 մլն դրամ գումար են ելքագրել, որը տրամադրվել է «Ֆլեշ» ընկերությանը իբրեւ սուբսիդավորման հավելյալ գումար։

tert.am