Մեկ տարի խաղաղության պայմանագրի ստորագրմանը սպասելով

2023-ի քաղաքական բառապաշարում ամենաշատ գործածված ձևակերպումներից մեկը «Խաղաղության պայմանագիր»-ն է: Արդեն երկրորդ տարին է ավարտվում այն ակնկալիքով, որ Հայաստանի և Ադրբեջանի միջև փաստաթուղթը կստորագրվի: Սպասումները դեռ իրականություն չեն դարձել: Ամբողջ տարվա ընթացքում ոչ միայն քաղաքական գործիչներն ու վերլուծաբանները, այլև շարքային քաղաքացիները հետևել են խաղաղության օրակարգի «էվոլյուցիային», որը սահուն 2023-ից տեղափոխվում է 2024 թվական։