Ներքին Հանդի ուղղությամբ հայկական կողմն ունի 2 զոհ և վիրավորներ. ՊՆ
Փետրվար 13, 2024 06:21 Asia/Tehran
«Ներքին Հանդի ուղղությամբ ադրբեջանական զինուժի կրակի հետևանքով հայկական կողմը, նախնական տվյալներով, ունի 2 զոհ և վիրավորներ»,–հայտնում են ՀՀ ՊՆ–ից:
ՀՀ Սյունիքի մարզում հայկական դիրքերի վրա կրակելուց հետո Ադրբեջանը հիմա էլ ապատեղեկատվություն է տարածում, իբր հայկական կողմը խախտել է հրադադարը սահմանի հյուսիսարևելյան հատվածում (Տավուշի մարզ)։ Այս մասին հայտնում է ՀՀ ՊՆ մամուլի ծառայությունը։
«Ադրբեջանի պաշտպանության նախարարության հաղորդագրությունը, թե փետրվարի 12-ին` ժամը 20։50-23:40 ընկած ժամանակահատվածում, Հայաստանի Հանրապետության ԶՈւ ստորաբաժանումներն իբր կրակ են բացել սահմանագոտու հյուսիսարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը»,–ասվում է ՀՀ ՊՆ–ի տարածած հաղորդագրության մեջ։