Իրանը վերահաստատում է իր դիրքորոշումը ապաշրջափակման հարցում ու աջակցություն հայտնում ՀՀ-ին
Իրանը վերահաստատում է իր դիրքորոշումը ապաշրջափակման հարցում և աջակցություն հայտնում Հայաստանի դիրքորոշմանը:
Այս մասին այսօր ՀՀ ԱԽ քարտուղար Արմեն Գրիգորյանի հետ հեռախոսազրույցում ասել է Իրանի ազգային անվտանգության գերագույն խորհրդի քարտուղար Ալի Աքբար Ահմադիանը։
Հեռախոսազրույցի ընթացքում Արմեն Գրիգորյանը ևս մեկ անգամ ընդգծել է ՀՀ դիրքորոշումը տարածաշրջանային կապուղիների ապաշրջափակման հարցում՝ հիմնված տարածաքային ամբողջականության, ինքնիշխանության և իրավազորության վրա։
«Քննարկվել են նաև տարածաշրջանային վերջին զարգացումները, ինչի շրջանակներում Ահմադիանը ու Գրիգորյանը կարևորել են տարածաշրջանում անվտանգության և կայունության պահպանման հրամայականը»,– ասված է հաղորդագրությունում:
Զրուցակիցները քննարկել են Իրան -Հայաստան երկկողմ համագործակցության օրակարգային հարցեր:
ՀՀ ԱԽ քարտուղարը նաև ցավակցություն է հայտնել 12-օրյա պատերազմի արդյունքում զոհվածների ընտանիքի անդամներին և շուտափույթ ապաքինում մաղթել վիրավորներին:
