Փաշինյանն ու ՌԴ վարչապետը հանդիպել են Ալթայում. հայտնի է` ինչ են քննարկել
ՀՀ վարչապետ Նիկոլ Փաշինյանը Ալթայում հանդիպել է ՌԴ վարչապետ Միխայիլ Միշուստինի հետ։
ՀՀ վարչապետ Նիկոլ Փաշինյանը, որը երկօրյա աշխատանքային այցով մեկնել է Ալթայ, հանդիպել է ՌԴ վարչապետ Միխայիլ Միշուստինի հետ։ Հանդիպման կադրերը հրապարակվել են Փաշինյանի ֆեյսբուքյան էջում։
ՌԴ կառավարությունը հայտնում է, որ կառավարությունների ղեկավարները քննարկել են առևտրատնտեսական, գիտատեխնոլոգիական և մշակութային-հումանիտար ոլորտներում ռուս-հայկական կապերին վերաբերող հարցեր:
«Միշուստինը և Փաշինյանը կարևորել են տարբեր ոլորտներում համատեղ ծրագրերի իրականացման համար բարենպաստ պայմանների ստեղծումը»,– ասված է հաղորդագրությունում:
Նշենք, որ օդանավակայանում Փաշինյանին դիմավորել են Ալթայի Հանրապետության ղեկավար Անդրեյ Տուրչակը, Ալթայի Հանրապետության վարչապետ Ալեքսանդր Պրոկոպևը և Գորնի Ալթայի քաղաքապետ Օլգա Սաֆրոնովան։
Փաշինյանն Ալթայում մասնակցելու է Բնության և շրջակա միջավայրի պաշտպանությանը նվիրված միջազգային համաժողովին։
