Հայաստանի Գորիս քաղաքում փողոց է անվանակոչվել Իրանի Նային քաղաքի անունով

Իրանի և Հայաստանի քաղաքային ու մշակութային հարաբերությունների զարգացման շրջանակում Հայաստանի Գորիս քաղաքի զբոսաշրջային գոտիներից մեկում գտնվող երկու կիլոմետր երկարությամբ փողոցը անվանակոչվել է Իրանի Նային քաղաքի անունով։

Pars Today-ի հաղորդմամբ՝ Նայինի քաղաքապետ Հասան Շաֆիեին, անդրադառնալով Նային և Գորիս քույր քաղաքների հարաբերություններին, նշել է, որ փողոցը գտնվում է բարենպաստ կլիմայական պայմաններով և առանձնատներով կառուցապատված տարածքում։
Փողոցի բացման արարողությունը տեղի է ունեցել Գորիսի ազգային օրվա շրջանակում՝ Իրանի դեսպանի, Սյունիքի և Կապանի հարցերով Իրանի գլխավոր հյուպատոսի, տեղական իշխանությունների ներկայացուցիչների և Գորիսի բնակիչների մասնակցությամբ։
Նայինի քաղաքապետը նաև հայտնել է, որ նախատեսվում է քաղաքի փողոցներից մեկը անվանակոչել Գորիսի անունով։ Նրա խոսքով՝ այդ քայլը կիրականացվի անհրաժեշտ իրավական ընթացակարգերն անցնելուց հետո։
Նայինի և Գորիսի միջև քույր քաղաքների համաձայնագիրը ստորագրվել է 2025 թվականի մայիսին՝ տնտեսական, առևտրային, մշակութային և զբոսաշրջային համագործակցության զարգացման նպատակով։ Համագործակցությունը կարող է նպաստել երկու քաղաքների ներկայացուցիչների փորձի փոխանակմանը և տարբեր ոլորտներում, այդ թվում՝ արհեստների ու զբոսաշրջության բնագավառներում, կապերի ընդլայնմանը։