ՀՀ վարչապետը պաշտոնական այց է կատարելու Իրան
Հոկտեմբեր 07, 2017 17:44 Asia/Tehran
Հայաստանի Հանրապետության վարչապետ Կարեն Կարապետյանը հոկտեմբերի 9-ին կայցելի Թեհրան՝ Իրանի պաշտոնատարների հետ հանդիպելու նպատակով:
ՀՀ վարչապետ Կարեն Կարապետյանն Իրանի Իսլամական Հանրապետության նախագահի առաջին տեղակալ Էսհաղ Ջահանգիրիի հրավերով հոկտեմբերի 9-ին երկօրյա պաշտոնական այցով կժամանի Թեհրան: Այս մասին հաղորդում է Սպուտնիկ լրատվական գործակալությունը:
ՀՀ վարչապետը Թեհրանում հանդիպումներ կունենա ԻԻՀ նախագահ Հասան Ռոհանիի, նախագահի առաջին տեղակալ Էսհաղ Ջահանգիրիի և Իսլամական խորհրդարանի նախագահ Ալի Լարիջանիի հետ:
Այցի շրջանակներում Կարեն Կարապետյանն այցելելու է նաև «Արարատ» մարզամշակութային համալիր, որտեղ նախատեսված է նրա հանդիպումը տեղի հայ համայնքի ներկայացուցիչների հետ:
Պիտակ
