Վենեսուելայում Իրանի դեսպանը հանդիպել է այդ երկրի արտաքին գործերի նախարարի հետ

Pars Today- Կարակասում Իրանի Իսլամական Հանրապետության դեսպանը Վենեսուելայի արտաքին գործերի նախարարի հետ հանդիպման ժամանակ փոխանցել է Իրանի աջակցության ուղերձը այդ երկրին՝ խաղաղության և անվտանգության սպառնալիքների դեմ պայքարում։

Վենեսուելայի արտաքին գործերի նախարար Իվան Գիլ Պինտոն երեքշաբթի օրը, հանդիպման մասին գրել է . «Մենք հանդիպում ունեցանք Վենեսուելայում Իրանի դեսպան Ալի Չեգինիի հետ՝ մեր ռազմավարական դաշինքը, ինչպես նաև ինքնիշխանության, զարգացման և բազմաբևեռ աշխարհի պաշտպանության գործում համատեղ համագործակցությունն ու բարեկամությունը վերահաստատելու նպատակով։ Այս հանդիպման ժամանակ մենք ստացանք Իրանի Իսլամական Հանրապետության կառավարության համերաշխության ուղերձը՝ Վենեսուելայում և ամբողջ Կարիբյան ավազանի ու Լատինական Ամերիկայի տարածաշրջանում խաղաղության և անվտանգության սպառնալիքների դեմ։ Այս առումով մենք արտահայտեցինք մեր փոխադարձ վստահությունը և համոզված ենք, որ մեր երկկողմ համագործակցությունը և բազմակողմ ֆորումներում մեր գործունեությունը կշարունակեն ամրապնդվել՝ հենվելով խաղաղության դիվանագիտության վրա»։