Իրանի ու Իրաքի միջև դրական հարաբերությունները շարունակվում են
ԻԻՀ ԱԳ նախարարության խոսնակն ասել է. «Չնայած ԱՄՆ-ի ջանքերին, Իրանն ու Իրաքը երկկողմ լավ հարաբերություններ ունեն»:
ԻԻՀ ԱԳ նախարարության խոսնակ Բահրամ Ղասեմին, երկուշաբթի օրը իրանցի ու արտասահմանցի լրագրողների հետ շաբաթական մամուլի ասուլիսի ժամանակ պատասխանելով Իրանի հետ տնտեսական համագործակցությունների ծավալը կրճատելու կապակցությամբ Իրաքի կառավարության վրա ԱՄՆ-ի ճնշումների խստացման մասին Իրանի ռադիո-հեռուստատեսության արտասահմանյան հաղորդումների բաժնի թղթակցի հարցին, ասել է. «Իրաքը մեր լավ հարևանն է և տնտեսական գործընկերներից: Իսկ երկու երկրների հարաբերություններում խնդիրներ հարուցելու ԱՄՆ-ի ջանքերը չեն կարող որևէ արգելք առաջացնել այս ճանապարհին»:
Ղասեմին Իրանի ԱԳ նախարարի Դոհա կատարած այցի և տարածաշրջանային նոր դիվանագիտության ձևավորման կապակցությամբ ասել է. «Իրանի տարածաշրջանային քաղաքականությունը նախկին քաղաքականությունն է, որը իրողությունների վրա հենվելով տարածաշրջանային նպատակներ է հետապնդում»:
Ղասեմին անդրադառնալով Եմենում հրադադարին, ասել է. «Եմենի դեմ Սաուդյան Արաբիայի ոտնձգության առաջին օրից այդ կապակցությամբ Թեհրանի դիրքորոշումը հստակ է եղել և հրադադարի հաստատման ու հումանիտար օժանդակությունների համար հող նախապատրաստելու նպատակով ներկայացվեց ԻԻՀ չորս կետանոց նախագիծը, որպեսզի համապարփակ կառավարության ձևավորման համար միջեմենական երկխոսություններ սկսվեն»:
ԻԻՀ ԱԳ նախարարության խոսնակը հույս է հայտնել, որ Ստոկհոլմի նիստը Եմենի ժողովրդի համար դրական փոխությունների նախաբան կդառնա և այդ երկրում վերջ կտրվի ոտնձգությանն ու երկրի ենթակառուցվածքների ոչնչացմանը:
Ղասեմին Ջամալ Խաշողջիի սպանության և Միջին Արևելքում Դոնալդ Թրամփի հակասական քաղաքականությունների կապակցությամբ ամերիկացի սենատորների խիստ դիրքորոշման կապակցությամբ ասել է. «Թրամփն ամեն առավոտ մի նոր չկշռադատված քաղաքականություն ու չուսումնասիրված թեմա է առաջ քաշում: Նա աշխարհի շատ երկրների նկատմամբ հակասական վերաբերմունք ունի և զուրկ է տրամաբանությունից ու արդարությունից»:
ԻԻՀ ԱԳ նախարարության խոսնակը Ֆրանսիայի վերջին իրադարձությունների կապակցությամբ ասել է. «Ֆրանսիայի հարցը ներքին հարց է: Այդուհանդերձ, այդ երկրի իշխանությունները, ինքնազսպվածություն ցուցաբերելով, պետք է հարմար միջավայրում կարգավորեն խաղաղ ցույցերի հարցը»:
