Իրանն ընդգծել է Սիրիայում Թուրքիայի ռազմական գործողությունների դադարեցման անհրաժեշտությունը
Իրանի ԱԳ նախարարությունն ընդգծել է Թուրքիայի կողմից Սիրիայի հյուսիսային շրջաններում իրականացվող ռազմական գործողությունների անհապաղ դադարեցման և այդ երկրի տարածքներից թուրքական զորքերի դուրսբերման անհրաժեշտությունը ՝ միաժամանակ հասկանալով Անկարայի մտահոգությունները:
Իրանի ԱԳ նախարարությունը հինգշաբթի օրը հրապարակել է հաղորդագրություն, որում մտահոգություն հայտնելով Սիրիայի տարածքում Թուրքիայի կողմից իրականացվող ռազմական գործողության կապակցությամբ, նշել է .«Ռազմական գործողությունները ոչ միայն չեն կարող փարատել Թուրքիայի մտահոգությունները, այլև հանգեցնելու են նյութական ու մարդկային մեծ կորուստների, ուստի Իրանն իր անհամաձայնությունն է հայտնում այդ գործողություններին»:
Ընդգծելով, որ տարածաշրջանի ներկա պայմաններն արտաքին երկրների, հատկապես ԱՄՆ-ի միջամտությունների արդյունքն են, Իրանի ԱԳ նախարարությունը նշել է.«Իրանի իսլամական հանրապետությունը համոզված է, որ հարցերը պետք է լուծել տարածաշրջանի ներսում և բ իր պատրաստակամությունն է հայտնում Թուրքիայի ու Սիրիայի միջև միջնորդելու համար: Ներկայումս Թեհրանը շփվում է երկու կողմերի հետ»:
«Առաջացած լարվածությունը հնարավոր է վերացնել միայն խաղաղ ճանապարհով, Սիրիայի ազգային ինքնիշխանության ու տարածքային ամբողջականության հարգմամբ, և Ադանայի համաձայնագրով»,ասված է հաղորդագրութայն մեջ:
Որոշ աղբյուրներ հաղորդել են, որ այս բախումների հետևանքով մինչ այժմ զոհվել է 15 և վիրավորվել ավելի քան 40 մարդ:
