Իրան.«Չինաստանն ամուր դիրքորոշում ունի ՀԳՀԾ-ի պահպանման կապակցությամբ»
ԻԻՀ ԱԳ նախարարության քաղաքական հարցերով տեղակալը, ով Համատեղ գործողությունների համապարփակ ծրագրի վերաբերյալ խորհրդաժողովին մասնակցելու նպատակով մեկնել է Պեկին, ասել է.«Չինաստանն ամուր դիրքորոշում ունի ՀԳՀԾ-ի պահպանման կապակցությամբ»:
Ինչպես հաղորդում է ԻՌՆԱ լրատվական գործակալությունը, ԻԻՀ ԱԳ նախարարության քաղաքական հարցերով տեղակալ Աբբաս Էրաղչին, չինացի պաշտոնյաների հետ հանդիպումից հետո, ասել է.«ՀԳՀԾ-ն բազմակողմանի դիվանագիտական մեծ ձեռքբերում է և միջազգային հարթակում այն պետք է պահպանել ու պաշտպանել ԱՄՆ-ի միակողմանի ու բռնի քայլերից»:
Էրաղչին չինական կողմի մասնակցությամբ կայացած խորհրդաժողովի վերաբերյալ ասել է.«Այս խորհրդաժողովում քննարկվել են ՀԳՀԾ-ի բոլոր կողմերը, գաղափարները, ՄԱԳԱՏԷ-ի ու ՄԱԿ-ի ԱԽ-ի հետ կապված հարցերը, և առևտրային համագործակցությունները, ներառյալ՝ INSTEX մեխանիզմը»:
