Ռոհանի. Թեհրանը և Բաքուն դրական քայլեր են ձեռնարկում հարաբերությունների խորացման ուղղությամբ
ԻԻՀ նախագահն ասել է, որ Իրանը և Ադրբեջանի Հանրապետությունը վերջին տարիներին բազմաթիվ դրական քայլեր են ձեռնարկել՝ երկկողմ հարաբերությունների խորացման ուղղությամբ:
Երեքշաբթի օրը, Ադրբեջանի փոխվարչապետ և էկոնոմիկայի ու արդյունաբերության նախարար Շահին Մուստաֆաևի հետ Թեհրանում կայացած հանդիպման ժամանակ, Հասան Ռոհանին ասել է. «Համատեղ նախագծերի շուրջ համագործակցության ընդլայնումը կնպաստի երկկողմ հարաբերությունների զարգացմանը»:
Նա հավելել է. «Իրանը հետևում է Ադրբեջանի հետ համատեղ նախագծերի, այդ թվում՝ Կասպից ծովում նավթի հայտնաբերման և արդյունահանման նախագծերի գործադրման ընթացքին»:
Ադրբեջանի նախագահ Իլհամ Ալիևի ուղերձը Հասան Ռոհանուն փոխանցելուց հետո, Մուտաֆաևը նշել է. «2016 թվականից ի վեր, Իրանի և Ադրբեջանի միջև առևտրի ծավալը եռապատկվել է, իսկ Ադրբեջանում գործող իրանական ընկերությունների թիվն անցած տարվա ընթացքում աճել է 50 տոկոսով»: