Շամխանի. ՀԳՀԾ-ն ընդմիշտ կմահանա Իրանի դեմ սպառազինական էմբարգոյի շարունակման դեպքում
Իրանի ազգային անվտանգության խորհրդի քարտուղարը հայտարարել է, որ 2231 բանաձևը շրջանցելու և Իրանի նկատմամբ անօրինական սպառազինական պատժամիջոցներ կիրառելու դեպքում, ՀԳՀԾ-ի կիսաշունչ մարմինը վերջնականապես կմահանա:
Իրանի ազգային անվտանգության գերագույն խորհրդի քարտուղար Ալի Շամխանին, կիրակի առավոտյան իր թվիթերյան միկրոբլոգում խոսելով այն մասին, որ պատժամիջոցի վիրուսը Սպիտակ տան համար ծառայում է որպես գործիք՝ ԱՄՆ-ի կործանվող հեգեմոնիան պահպանելու համար, նշել է. «Ո՞րտեղ է կանգնած Եվրոպան: Պատիվը պահպանելու և բազմակողմանիությունը զարգացնելո՞ւ կողմում, թե՝ կրկին նվաստանալու և միակողմանիությանը նպաստելու»:
ԱՄՆ ԱԳՆ Մայք Պոմպեոն վերջերս հայտարարեց, որ Վաշինգտոնը 2231 բանաձևի մաս է կազմում և կարող է պահանջել երկարաձգել Իրանի սպառազինական էմբարգոն:
ՀԳՀԾ-ի ստորագրումից հետո, որոշվեց, որ 2020թ հոկտեմբերի 18-ին, Իրանի միջուկային ծրագրի խաղաղ բնույթի վերաբերյալ ՄԱԳԱՏԷ-ի զեկույցից հետո, զենքի էմբարգոն չեղարկվի:
