Մուսավի. Աշխարհի բոլոր երկրները պետք է լսեն ամերիկացիների ձայնը
Ի պատասխան ԱՄՆ-ում վերջերս տեղի ունեցած բողոքի ցույցերի, Իրանի ԱԳՆ խոսնակը հայտարարել է, որ աշխարհի բոլոր երկրները պետք է լսեն ամերիկացիների ձայնը:
Անդրադառնալով ստրկատիրության ժամանակաշրջանից ի վեր ամերիկյան հասարակության մի հատվածի նկատմամբ ճնշումներին և խտրականությանը, Սեյեդ Աբբաս Մուսավին հայտարարել է, որ դարեր շարունակ ճնշվելուց հետո, ամերիկացներն այսօր բարձրացրել են իրենց բողոքի ձայնը:
Ընդգծելով, որ Իրանի քաղաքականությունն այլ երկրների ներքին գործերին չխառնվելն է, Մուսավին հավլել է. «ԱՄՆ-ում տեղի ունեցող վերջին իրադարձությունները վկայում են այդ երկրի ժողոցվորդի նկատմամբն ճնշումների ու խտրության առկայության մասին: Հետևաբար, Իրանը, որպես անկախ և արդարության կողմնակից պետություն, չի կարող անտեսել ցուցարարների ձայնը, որոնք երկար տարիներ գտնվել են ամերիկյան իշխանությունների ճնշման տակ»:
Իրանի ԱԳՆ խոսնակը նաև հույս է հայտնել, որ ԱՄՆ կառավարությունը ազատ կթողնի այդ երկրի ժողովրդին և նրանց թույլ կտա շնչել:
