Ռոհանի. Իրանի արտադրության ծավալներն աճել են մոտ 12 տոկոսով
ԻԻՀ նախագահն ասել է. «Վերջին երկու ամիսների ընթացքում, նախորդ տարվա նույն ժամանակահատվածի համեմատ, արդյունաբերության, գյուղատնտեսության և ծառայությունների ոլորտներում արտադրության ծավալներն աճել են 10-ից 12 տոկոսով»:
Շաբաթ օրը, կորոնավիրուսի դեմ պայքարի ազգային շտաբի նիստում, Հասան Ռոհանին նշել է, որ Իրանի արտադրական և արտահանման ոլորտները գտնվում են ճիշտ ուղու վրա: Նա հավելել է. «Չնայած կորոնավիրուսի պանդեմիայի հետևանքով առաջացած խնդիրներին, Իրանը կարողացել է սպառնալիքները վերածել հնարավորության»:
Անդրադառնալով պանդեմիայի ազդեցությանը ոչ նավթային արտահանման ոլորտի վրա, Ռոհանին հավելել է, որ վերջին երկու շաբաթվա ընթացքում Իրանի արևմտյան, արևելյան, հարավային և հյուսիսային հարևանների հետ սահմանները բացվել են և ոչ նավթային արտահանումների ծավալն աճել է: