Էրաղչի. «ՀԳՀԾ-ի համատեղ հանձնաժողովում քննարկման կդրվեն Եվրոպայի պարտավորությունների խախտման դեպքերը»
Նշելով, որ երեք եվրոպական երկրները՝ Գերմանիան, Բրիտանիան և Ֆրանսիան հավատարիմ չեն մնացել Համատեղ գործողությունների համապարփակ ծրագրով սահմանված իրենց պարտավորություններին, Իրանի ԱԳ նախարարի քաղաքական հարցերով տեղակալն ասել է. «ՀԳՀԾ-ի համատեղ հանձնաժողովում քննարկման կդրվեն եվրոպացիների պարտավորությունների խախտման դեպքերը»:
Վերջերս Եվրամիության արտաքին քաղաքականության հանձնակատար և ՀԳՀԾ-ի համակարգող Ջոզեֆ Բորելին հղած նամակում, ԻԻՀ ԱԳ նախարար Մոհամմեդ Ջավադ Զարիֆը ևս մեկ անգամ ընդգծել է, որ եվրոպական երկրները հավատարիմ չեն ՀԳՀԾ-ի 36-րդ կետով սահմանված՝ վեճերի լուծման համատեղ հանձնաժողովի աշխատանքային սկզբունքներին և իրենց ստանձնած պարտավորություններին:
Իրանի ԱԳ նախարարի քաղաքական հարցերով տեղակալ Աբբաս Էրաղչին երկուշաբթի օրը նշելով, որ ԵՄ-ի արտաքին քաղաքականության հանձանկատարն ստացել է Թեհրանի նամակը, հավելել է.«Բորելը,որպես համատեղ հանձնաժողովի համակարգող, խորհրդակցություններ է վարում ՀԳՀԾ-ի մյուս անդամների հետ, որպեսզի ըստ Իրանի ներկայացրած պահանջի՝ որոշում կայացնի հանդիպում կազմակերպելու վերաբերյալ»:
«Թեհրանը սպասում է ՀԳՀԾ-ի մյուս անդամների հետ Եվրամիության արտաքին քաղաքականության հանձնակատարի խորհրդակցությունների արդյունքներին»,- ասել է Իրանի ԱԳ նախարարի քաղաքական հարցերով տեղակալը:
