Ռոհանի.«Իրանին հաջողվել է կանխել թշնամիների դավադրությունները»

Իրանի իսլամական հանրապետության նախագահը լուսաբանելով երկրի տնտեսական հնարավորությունները և մարտահրավերներն ասել է. «​​​​​​ Իրանը վերջին երկու տարիներին մեծ հաջողություններ է արձանագրել թշնամիների դավադրությունները կանխելու գործում»:

ԻԻՀ նախագահ Հասան Ռոհանին կիրակի օրը  կառավարության տնտեսական համակարգման շտաբի նիստում հայտարարել է. «Երկրի տնտեսական իրողությունները ցույց են տալիս, որ տնտեսական հնարավորությունների և կարողությունների օգտագործման և երկրի բոլոր  հիմնասյուների համակարգման ու ներդաշնակ ծրագրերի իրագործման միջոցով հնարավոր կլինի ձերբազատվել թշնամիների առավելագույն ճնշման  հետևանքով ստեղծված աննախադեպ  խնդիրներից և հաղթել տնտեսական պատերազմում:

Անդրադառնալով Իրանի  մակրոտնտեսության մեջ նախագծված  ճանապարհային քարտեզին, նախագահ Ռոհանին  ասել է. «Տնտեսական պատերազմ պարտադրելու թշնամու հիմնական նպատակը՝ երկրի կառավարման հարցում  խառնաշփոթ վիճակ  ստեղծելն է»:

Ռոհանին հավելել է. «Թշնամիները սպասում էին, որ կորոնավիրուսի պանդեմիայի և  իրենց սահմանած անմարդկային պատժամիջոցների ու սահմանափակությունների հետևանքով երկրի տնտեսությունը կդառնա անվերահսկելի ու կհայտնվի վտանգի առջև»:

Ռոհանիի տեսանկյունից՝  ԱՄՆ-ի սանձազերծած պատերազմում և այդ երկրի հետ առճակատման մեջ, Իրանը հաջող գործունեություն է ունեցել: 

Հայերեն ռադիոալիքին հետևեք սոցցանցերում.

https://www.instagram.com/parstodayarmenian/

https://twitter.com/radio_armenian

https://www.reddit.com/user/armradio/

https://urmedium.com/c/armenianradio